北京
TVB《萬千星輝頒獎典禮2025》今日（2026年1月4日）于澳門上葡京綜藝館舉行，「最佳男主持」獎項由林盛斌（Bob）奪得，Bob素有「金牌媒人」之稱，他先向近日失戀的陳庭欣喊話：「陳庭欣，唔使擔心，我一定會幫你揾男朋友！2026年我咩都唔搞，凈系搞你一個！」
之后他顯得非常感觸，更收起平日的搞笑，嚴肅講得獎感受，他又提到經常面對負評，表示：「我好記得我入嚟電視臺啱啱做嘅時候，我見到最多網上面嘅評論系話我，『嘩，呢個死肥佬個樣好衰，呢個光頭佬把聲好嘈，食屎啦！收皮啦！』我當時都有少少唔開心，但系我同自己講唔緊要，可能佢哋未認識你，畀啲時間自己繼續努力加油，頂住，然之后過咗一排我見到有啲留言話，『條友都OK?，都幾得意，都幾好笑。』所以，我要好多謝曾經用過我嘅監制、導演編審、PA、Writer，系你哋話畀觀眾知，阿Bob雖然個樣唔系話太靚仔，又冇咩頭發，把聲亦都好嘈，但系佢都系一個專業嘅主持人。
最后，我想同好多仍然同我一齊努力拼搏緊，喺演藝圈里面所有嘅同業、同行、咁多位同事，演藝呢條路系好漫長，亦都唔容易行，我亦都面對咗好多嘅系，喺我咁多年來，亦都俾好多人去批評你，打擊你，好多人會睇你唔起，睇死你，甚至乎睇你唔到，但系唔好俾依樣嘢佢影響到自己，只要你對自己有百分之百嘅信心，繼續堅持，繼續努力，繼續行落去，將會有好多好美好嘅事發生喺你身上！」
講到這里，Bob聲都震埋，之后高呼：「今日我好開心攞到呢個獎，俾我一個好大嘅鼓勵，我會繼續努力做一個最好嘅主持人，多謝！」
誰知他太激動，將獎座一下撞落枱時，竟將獎座打爛，令全場嚇呆！頒獎嘉賓王祖藍打圓場說：「TVB開臺以來第一位喺臺上面整爛個獎，落地開花！」
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
