廣東
Gareth.T 與 MC 張天賦首度合體推出新歌《金童子》，新歌曲風以六十年代復古的 doo-wop/Motown 音樂為靈感，將經典靈魂樂旋律與現代節奏完美融合。編曲採用電鋼琴、結他、鋼琴及充滿律動感的鼓點，營造出既懷舊又充滿動感的溫暖氛圍。
Gareth.T × MC 張天賦首度合體岀歌《金童子》閃耀登場。（官方提供圖片）
問到二人今次合作契機，Gareth 立即鬼馬地說：「你地（華納同事）阿！你哋話（我）同 MC 出首歌，整完啦我地首歌，拍埋 MV 啦！」他亦有分享歌詞是 Wyman 自上年他們於各頒獎禮獲獎後有感而發，而作曲靈感，Gareth 則風趣地說：「瞓覺起身諗到！」
MV亦向六十年代歌曲MV致敬（官方提供圖片）
「華納舞王」互笠高帽大讚對方舞技120分
MV亦向六十年代歌曲MV致敬，兩位「華納舞王」穿上一身踢死兔加上沙塵十足的舞步，MV結尾圍圈跳舞場面，玩味十足，配埋「Woo Woo Woo 閃爆你」ad-lib，超級歡樂！問到跳舞部份是否身為 MV 導演的 Gareth 要求？Gareth 立即指著 MC說：「好似係你問我?喎！」MC 亦搞笑回應：「係咩？係咁嘅，因為一開頭佢（Gareth）就話俾我聽嗰個舞臺效果、會有咩燈光、同會係一個點樣嘅場地，咁於是乎我就話咁不如我哋跳埋舞啦，點知就認真咗。。。。咁。。咪跳舞囉！」
Gareth.T 與 MC 張天賦兩位「華納舞王」穿上一身踢死兔加上沙塵十足的舞步，MV結尾圍圈跳舞場面，玩味十足。（官方提供圖片）
二人更互笠高帽大讚對方舞技有120分！MC 更大讚 Gareth 是他合作過最好的導演，他說：「拍過咁多（MV）導演，佢係最好嘅導演，因為快收工啦，所有嘢都準備充足，又輕鬆同埋成件事出嚟好有型，同埋應該好耐冇呢類型嘅 MV 啦！」
Gareth.T × MC 張天賦更互笠高帽大讚對方舞技有120分！（官方提供圖片）
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
