廣東
等候多時，由張繼聰主演的電影《金童》終於上映，本來票房正穩步上揚，奈何上月26日發生了大埔宏福苑大火悲劇，香港人陷入一片哀痛，減少娛樂，電影團隊也因應社會氣氛煞停謝票。一部籌備足足八年、自資六位數的電影可能就此落畫，故阿聰被網民稱為「黑仔王」。不過阿聰並不認同，日前重啟謝票時，他就跟觀眾分享自己睇法。
暫停兩星期，本周張繼聰重返謝票活動。（電影公司提供）
電影《金童》由製作一刻開始，就是一場逆境波。（《金童》電影劇照）
張繼聰在謝票場表示︰「人生遇到好多事都係無意義，要由自己賦予意義，人最大的力量就係選擇，你可以擇選點樣睇一件事，我自己對每一件事都用最正面心態去睇，所以我又唔覺得黑仔，至少收到好多一大篇嘅文字訊息畀我，又有好多朋友會關心我，佢哋仲肉緊過我。」
張繼聰坦言感謝大家，喺咁嘅市道仲有心情入場嚟睇自己部戲。（電影公司提供）
張繼聰為影迷在衫上簽名。（電影公司提供）
對於朋友的肉緊，他深表感激︰「朋友共患難容易，共富貴其實好難，如果你身邊有朋友會戥你唔抵，想你好，呢樣已經好珍貴。同樣，喺咁嘅市道大家仲有心情入場嚟睇我部戲。所以唔需要戥我擔心，我唔覺得自己黑仔，仲覺得自己好幸運。」
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
