何廣沛自爆身體有先天缺陷無法正常生活，喊住講曾被誤解耍大牌

無綫小生何廣沛近來備受重用，在今年兩套臺慶劇均大有發揮，并入圍“最佳男配角”叫兩飛，大有機會獲獎。事業得意的他，背后有苦自己知，自爆因先天性問題從小有聽力障礙，曾佩戴助聽器，更被誤以為性格囂張而得罪人。雖然面臨完全失聰的風險，但他天性樂觀，深信缺陷無阻他在演藝界展抱負！

藝人何廣沛今年憑臺慶劇《金式森林》及《新聞女王2》角逐《萬千星輝頒獎典禮》“最佳男配角”，兩部作品的角色截然不同，他在《金》劇中搣甩斯文形象，演活火爆富二代，被視為大熱之一，力斗叫三飛的丁子朗及羅天宇。近日何廣沛接受本報訪問，自爆從小學開始就確診有聽力障礙，一直要到醫院跟進，他表示：“低分貝同高分貝都聽唔到，喺美國讀大學時試過戴助聽器，但承受唔到咁大聲，戴兩日就好頭痛，斷斷續續試，后來就放棄咗?！敝钡桨肽昵?，何廣沛接受了基因測試，才知道聽力障礙是先天問題：“處理聽覺嘅一對DNA都有問題，有可能一出世100%全聾，有可能完全冇事，可能逐年聽力遞減，或者永遠保持現況系冇人知，我預咗可能將來唔能夠正常生活就要戴番助聽器。（有冇諗過將來聽力退化變全聾？）做完基因測試當刻好驚，因為唔知幾時會全聾，但驚都無補于事。”他透露拍攝劇集《破毒強人》時相當辛苦，因陳豪整套戲均以沙啞聲音講對白，他完全聽不到對方聲音，只能憑口形猜測。雖然天生的聽力障礙目前不能透過手術去根治，但他為人豁達，認為聽覺缺陷亦無阻其演藝之路。

何廣沛不諱言聽覺問題影響外界對他的印象，甚至得罪人，他無奈說：“坊間覺得我好寸、唔騷人、好高竇，試過喺公司走廊有人同我打招呼，但我唔知，畀人解讀為好寸，好多藝人未識我之前聽到出面啲人話我點點點，合作后就知唔系嗰回事?！焙螐V沛慶幸仍在圈中收獲一班知心好友，包括陳曉華（Hera）和陳浚霆都知道他的問題，他說：“Hera好著緊上心，有次原本佢同我坐好遠，佢聽到有人叫我，我唔知冇反應，Hera拍我膊頭提醒，同人哋講我耳仔唔好聽唔到，好多謝佢。”他又希望借今次訪問，消除大家對他的誤解。

而另一位知情者是視后佘詩曼（阿佘），早在他們合作《新聞女王》時，阿佘便好奇為何他說話聲音如此大，知悉何廣沛聽力有問題后相當感觸，因為阿佘都經歷過聲線困擾，即時給予鼓勵。何廣沛表示聽力障礙也會為身邊人帶來困擾，指Hera雖然很有耐性，但有時都會忟憎，因為一句說話要重復兩遍，就算其未婚妻Sarah亦如此：“有時接收唔清楚靠估，但又估錯，咁未婚妻就好忟、好疑惑。聽唔到系好痛苦，好影響日常生活，身邊人都辛苦?！焙螐V沛透露之前觀看關于聾人融入社會的電影《看我今天怎么說》感觸甚深，望幫助同路人，他語帶哽咽說：“呢方面如果需要做慈善我好樂意做，因為……好感動，我都有一部分缺陷，會體諒先天性問題，社會要面對的問題。”